KWANGU HUNA MWENZA

1. Moyo hausemezeki,   na akili iko pweke

Mwengine hanimiliki, yeye kipenzi peke

Milele simbanduki,      nataka mahaba yake

Tuwaache wenye chuki, penzi sitetereke.

2. Nianze wapi kukusifu,   angalau usifike

Umbile la Ashrafu,      sina budi nitamke

Ametukuka Latwifu,  kakupamba mja wake

Na kukupa maelfu,      ya vipaji vitumike.

3. Umepewa maelfu,      ya uzuri utumike

Kwenye yalo maarufu, yasifiwayo kwa mke

Kwako wewe nimekifu, kusudi nisisumbuke

Uninukishe harufu,        na wardi lichanuke

4. Toka juu hadi chini,       inapasa usifike

     Nywele ndefu na laini,   na macho yenye upeke

Tabasamu mdomoni,      uzuri wa umbo lake

         Ahsante na shukrani,      mevifanya wimbo wake.

         5. Uwe ni kama barafu,     mtima wangu shwarike

Na kwa moyo mkunjufu, pendo lako nifunike

Niipate tahafifu,           na maradhi yaponyeke

Nakupenda maradufu, sauti yangu sikike