TUZIENZI MILA ZETU

 

1.      Bismilahi Azizi,           nataka kuelezeni

Nizidishie na pumzi,        niwaeleze wandani

Bila kuwa pingamizi,  nioneshe ya moyoni

Bustani tuenzi,             izidishe kushaini

2.      Nieleze waziwazi,       vijana wa visiwani

Utamaduni tuenzi,      na asili ya zamani

Vizazi tuviaidhi,          wasivamie mageni

Bustani ndio enzi,       kwetu sisi wezanguni

3.      Tujuwe mavazi yetu, mababu waloshaini

Hawakukubali katu,    wigi modo kusheheni

Kanzu mavazi yetu,    kwa nini hamutakani

Utamaduni ni wetu,    mzaha tuuwachie.

4.      Si kanga si mrekani,    hata lugha namba wani

Mwambao ndio makini, vilugha vi mitaani

Kizungu ni lugha gani,  nawauliza makwini

Utamaduni ni wetu,    mzaha tuuwacheni.

5.      Naacha kalamu yangu, nadhani nakuchosheni

Ikiwa wazimu wangu, mutanijadili ndani

Au nawakumbusheni,  muuachie ugeni

Mila zetu turudie,        tusivamie mjini.

Bishara Mohamed Ali-SUZA