CHAMBUA SHAIRI HILI

LUGHA

1

Ni roho ya walimwengu,    maulama na mazuzu

Si kwa hao wazungu,      hata wavao kanzu

Sio kwa uwezo wangu,        bali mwenyewe aghazzu

Anaye haribu lugha,         mwerevu au mjinga?

2

Awali ya kwa wazawa,      huisanifu kinamzu

Na tena kwa kuijua,       kwa mizani nayo vinazu

Ni vipaji wamwpewa,     vya namna kwa agazzu

Anayeharibu lugha,       mwerevu au mjinga?

3.

Hupelekwa na shuleni,     jinsia na kanzu

Bila ya kumughini,      na tena kwa kumghizu

Sio tu kwa masikini,      hata tajiri wa enzu

Anayeharibu lugha,     mwerevu au mjinga?

4

Husoma na kubobea,        tafauti za fanizu

Pia yao historia,       kwa madaha na kughazu

Na hata sayansia,       walimu na marubani

Anayeharibu lugha,       mwerevu au mjingi

5

                                                   Ila watungapo chuo,    mambo yote tafarani

Huona ja ufunuo,       utokao kwa manani

Kila wao mkupuo,       lugha mbili zihewani

Anayeharibu lugha,      mwerevu au mjinga?

6.

                                                   Kila ya moja wapo,      mkorogo hutawala

Mbali mbali zawapo,      mbili lugha mikabala

Huhisi elimu ipo,       kichwani yawatawala

Anaeharibu lugha,      mwerevu au mjinga?

7

Huonwa wasomana,     wawanaoitumia moja

Muda si wa kwao tena,     wala hawaleti tija

Hujihisi kwa maana,      wanazuoni wareja

Anaeharibu lugha,     mwerevu au mjinga?

8

Wanazuoni wa sasa,     hilo kwao muamko

Maendeleo ya sasa,     na vingi vyao vituko

                Mkorogo wa kisasa,           kwa nderemo na vichekeso

Anaeharibu lugha,       mwerevu au mjinga?

MTUNZI: SULEIMAN SALIM SULEIMAN